CADA OVELLA COA SÚA PARELLA

Cada ovella

coa súa parella

18 de febreiro 2010
CPI Cruz do Sar de Bergondo

Le os poemas que están expostos.

Elixe un.

Colle a pegatina cun fragmento do poema.

Busca o compañeiro ou compañeira que teña o outro fragmento.

Collede un libriño e pegade os dous fragmentos na orde correcta.

Poñede os vosos nomes no espazo correspondente.

Metede o libriño no buzón e…

Se o fixestes ben teredes unha inesquencible sorpresa.

MOCHILAS VIAXEIRAS on PhotoPeach

DÍA DA PAZ

O pasado venres, 29 de xaneiro, conmemoramos o Día da Paz. O alumnado de primaria, dirixido por Manuel e José Antonio, profesores de E. Física; executou dúas danzas, unha polos alumnos de 1º a 3º e outra polos de 4º a 6º. En ámbolos casos resaltou a calidade na execución dos distinto movementos. Para rematar o acto, todos xuntos entonamos a canción de Roberto Carlos: "Un millón de amigos"

Podes ver as fotos no apartado de álbumes.

CAMPAÑA "A MOCHILA VIAXEIRA"

Xa está en marcha a campaña de fomento da lectura denominada "A mochila viaxeira". Con ela pretendese achegar os fondos bibliográficos aos alumnos e as súas familias. Neste momento hai doce mochilas viaxeiras que estarán na casa de doce alumnos de primaria durante unha semana. As mochilas levan libros adecuados ao nivel educativo do alumno e tamén se inclúen algúns libros destinados aos pais ou familiares do alumno.

Esperamos que esta iniciativa teña o éxito para o que foi deseñada e favoreza o coñecementos dos fondos da nosa biblioteca.